Shan ramkulh saklam, Namtou peng, Maiyuk khawkom, Kone Saza khua ih mipa pakhat zu ri cun a nupi thawn thukam elawknak ruangah hreitlung in a nupi ih lu a cek, tiah theih a si.
Thilthlen dan cu October 22, zinglam nazi 8 hrawngah pacang zu ri cun a nupi ih lu ah hreitlung in a cek ih thihnai a suak, tiah an innhnen pawl in an sim.
Mi pakhat cun, “Anih hi zu a rit tinten a tlokciar thei tuk. A nupi thawn thukam an elaw deuh ringring. Hreitlung in a nupi a cek nan, a nupi hi a lu a tuam ruangah thuppi hlen loin thihnai malte lawng a suak,” tiah a sim.
Hriamhma tuar nupinu cu TNLA in an zohkhen ih heknak a luh vekin a pasal cu TNLA in an kai-hreng, tiah theih a si.
A liam zomi October 9 khalah Kutkai peng, Hunawng khua ah mipa pakhat zu ri in a suahnak nu a vua ih a lu ah hriamhma a put ruangah TNLA in an kai dah zo.
TNLA in an luah ramsung ih thubuai hlabuai neitu pawl cu thuthennak a neihsak ih kutthlak le thisen suahaw khopih buainak pawl cu kum 3 tiang thawng an thla theu, tiah theih a si.
Leave a Reply