Zu ri lungpuam in a suahnak pa a sat that

Zu ri fapa sual in a suahnak pa nam in a sat that.

Shan ramkulh saklam, သိန္နီ peng, မိုင်းပါး khawkom, နားမိုင်: khua ah fapa sual zet in amai suahnak pa rori, nam in a sah that, tiah Shan Thuthang sirhsan in theih a si.

December 26, zan nazi 5:30 hrawngah kum 30 mi, mipa pakhat zu ri cu a nupi thawn thukam an elawk laiah a suahnak pa in a kawk ih a pai’ parah thinheng in nam in a sat.

“Zu ri pa cu a nupi thawn thukam elaw in kut an thlakaw. A pa in a kham rero. A fapa cu nam a la ih a pa cu a sah that. Vei tam zet a sat ih a hmunah a thi,” tiah tualsungmi pakhat in a sim.

Mai suahnak pa sat thattu hi kum 30 mi Saing Aung Kyaw a si ih a sah thatmi a pa hi kum 60 ih upa a si.

“A pa a sah that veten amah cu a tlanhlo. Tu tiang a ra tlung ngam nawn lo ih khawlal le upa in an hawl rero. Khatlamah a pai’ ruak buaipi a tul fawn. Saing Aung Kyaw hi zu ri lungpuam thei zet a si,” tiah amah thei zettu mi pakhat in a rel.

Himi thu thawn pehparaw in palik sakhan ah report a si nan, tu tiang hma an lakpi lo ruangah Shan hriamhrei kai a simi SSPP/SSA in Saing Aung Kyaw cu an hawlpi rero, tiah theih a si.

Be the first to comment

Leave a Reply

Your email address will not be published.


*