Shan ramkulh saklam, Kyaukmei khawpi, Veng (8)nk In Kyin Daung ih khawsa mipa pakhat cun zu ri lungpuam in a awkthataw, tiah theih a si.
November 1, zinglam nazi 6 hrawngah Ngian Linn Tun kum 25 cu hridai in a thlaiaw ih a thi. Nazi 7 ah tlawmngai pawlkom in a ruak an va la, tiah theih a si.
Kyaukmei khawpi, tlawmngai pawlkom ih Deputy Director Ko Phyu Myat Swe cun, “Phone ih in rak biak hi nazi 6:30 ah a si. Nazi 6 hrawngah an inn ah hridai in a awkthat-aw. A innsang pawl in zu rit lungpuam aat a nei ih amahte tla a beaw theu, tiah an sim,” tiah a rel.
Ko Phyu Myat Swe cun kan dung thla thum li khalah In Kyin Daung ahhin nupa thukam elawknak ruangah hridai ih awhthatawknak a thleng dah, tiah a sim.
Tu hrawng hi hitawk kiangkapah hridai ih thlai thatawk an cing zet ih mi 4 in an thataw zo, tiah a rel fawn.
Leave a Reply