Zohman in Myanmar SAC ralhrang an kawm paih nawn lo: Philippines President

Zohman in Myanmar SAC ralhrang an kawm paih nawn lo, tiah Philippines President in a sim.

Cambodia ih tuahmi ASEAN sungtel ram hruaitu pawl tonkhawmnak ah Myanmar thawn ziangtin pehtlaihawknak nei sehla a tha ding, timi relkhawmnak ah thukam elawknak malte a suak, tiah Philippines Ferdinand Marcos cun a sim.

Myanmar ramsung buainak ruangah ASEAN sungtel ram hruaitu pawl an lu a zin seksek thu Marcos cun a sim hrih.

“Myanmar thu relkhawmnak ah malte hmuhthiamawk lonak a suak. Ram thenkhat tla cun ASEAN ihsin dawisuah an hiar nohnoh,” tiah a sim.

“Rampi thuneihnak latu SAC ralhrang le dokalhtu pawl le ASEAN hi lailan in tonkhawmnak um thei sehla Myanmar ram buainak a dai thei ding, tiah thuburtu an um,” tiah a sim vivo.

“Zohman in Myanmar SAC ralhrang bawi pawl thawn naihniamawk an duh riai lo.

Zohman in Myanmar ralbawi pawl thawn nelawk hrimhrim an duh lo,” tiah Philippines president cun a sim.