Zo ti theih lo, hriamhrei kai bur khatin pafa hnih rapthlak zetin an that

Magway ramthen, Yesagyo peng, Kyaukhlika kone khaw kiangah khasuansen zuar pafa hnih cu nam ih an sat ih a fapa a thih hnuah a pa khal sizung thlenpi a si ih sizung ah a thi ve, tiah theih a si.

No description available.

December 17, zinglam nazi 1 ah Pakkoku sizung ah a pa cu tuamhlawm a si ih a thi, tiah tualsungmi pakhat in a sim.

“Mani ih tuahmawh an si laiah a fapa cu a hmun ah a thi cih. A pa lawngte thaw a thawt lai ruangah sizung ah tuamhlawm a si nan, tui’ zing ah a thi.

A ruak lawngte khua ah an phur hrih lo. Pakkoku ah an vuiliam ding maw, khua ah an tlunpi ding, ti khal kan fiang hrih lo,” tiah a sim.

Thil thlen dan cu December 16, zing nazi 6 hrawngah Yesagyo peng, Kauk Gyi khua ihsin Pakkoku lamah khasuansen an phur ih Kyaukhlika kone an thlen ah hriamhrei kai bur khat in an that, tiah theih a si.

Hriamhrei kai bur khat in nam ih sahnak ruangah Kauk Gyi khawmi U Zaw Lwin kum 46 le a fapa Min Khant Zaw kum 20 cu an hngawng ah hriamhma roh zet an tuar.

A fapa cu a hmun ah a thi ih a pa lawngte a hriamhma tuamhlawm dingin Pakkoku sizung ah an fehpi nan a thi thotho.

Hriamhrei kai pawl cun an pafa ih phurhmi khasuansen an laksak, tiah theih a si.

No description available.

A thattu pawl hi zo an si ti, theih a si hrih lo.

Be the first to comment

Leave a Reply

Your email address will not be published.


*