Ziangtik hmanah kan surrender lo ding, tiah Ukraine President Zelenskyy in US Congress ah a sim.
US ruun-inn rangpi ah President Joe Biden thawn an tonawk ngah hnu in Ukraine president Zelenskyy cu US Hluttaw pahnih komkhawmnak Congress ah thusimnak a nei.
“Ukraine hi kan tuarfai zet ih pehzom in kan cakvak sinsin ding ruangah ziangtik hmanah ralthuam ret tahrat in mi kut hnuai ah kan kun menmen lo ding,” tiah a sim.
US hin Ukraine a pekmi ralthuam pawl hi tlawmngai thilpek men a si lo ih leitlun humhimnak hrangah hram nan ttoh a si, tiah Zelenskyy cun US a lawm.
US President Joe Biden in US Dollar billion 2 bawm dingin a tiamkam vekin cumi hnuah billion 45 bawm bet dingin a sim fawn.
Himi thu ah Mr. Zelenskyy cun US Congress ah Biden ih tiamkammi billion 45 an nemhngehsak a beisei thu a rel. “Hihi kan zalennak manmual in kilhimsaknak hrangah a si,” tiah a sim.
Ukraine president Zelenskyy cun Bakhmut khawpi humtu Ukraine ralkap pawl ih sign mi Thantar cu US Congress ah a pe.
2023, January ah US acozah thlengh danglamnak a um ding ih House ah Republican in thuneihnak an la thlang ding.
Republican cun bikhiah um loin Ukraine bomnak pek ciamco an tum lo thu theihternak an nei.
Leave a Reply