‘A nu neh lo Hlei Tawl vuak’ ti bangin an sungkua in vansiat an tong

Thawngtla suak Ma Cho Zin (မချိုဇင်)an kaihsal thei lo ruangah a innsang pawl an kai, rapthlak zetih an hrem hnuah daantat an si.

May be a closeup of child

Yangon ramthen, တွံတေး peng, ကုန်းဝက်ချောင်း khawmi Ma Cho Zin cu ramthukhel thubuai ruangah 2021, April ah an inn ah ralhrang rual in an kai ih thla 5 thawng a tlak hnuah an suah.

Asinan ralhrang in 2022, June ah kaisal dingin an hawl ih amah an kaih ngah thei lo ruangah a innsang pawl a aiah an kai, tiah theih a si.

“Ma Cho Zin an kaih thei lo ruangah mawhnak nei lo a innsang pawl lamlam an kai. Damlo mi ngor a nu khal an hlah lo.

A nau le tlawngta pawl khal an sit an beng ih an motor Light Truck tiangin an laksak.

May be an image of 13 people, people sitting, people standing and text that says 'ဓားစာခံအဖြစ် ဖမ်းဆီးခံရသည့် ဦးဉာဏ်ဝင်း၊ ဒေါ် စန်းအေး၊ မခင်ပြုံးကြည်နှင့် ကိုအောင်ဇေယျထွန်း။ (ဓာတ်ပံ -ပေးပို) Tt'

A upa ကိုအောင်ဇေယျာထွန်း cu ralhrang hremhmunah thih zik ko, an hrem. Ma Cho Zin ih upa ကိုအောင်ဇေယျာထွန်း thawn an kaih tlangmi pakhat cu an hrem that. A ruak tiangin sungkhat in an la thei lo,” tiah Ma Cho Zin thawn naihniamaw zet mi pakhat in a rel.

Ma Cho Zin aiah an kaihmi pawl cu a nu Daw San Aye, a paseu U ဉာဏ်ဝင်း, a upaကိုအောင်ဇေယျာထွန်း, a naunu phunsang tlawng kai lai ခင်ပြုံးကြည်, a unau seu (cousin) မမြသက်မော် le a upa ကိုအောင်ဇေယျာထွန်း ih rualpa pakhat an si ih 2022, June 18 ah an kai.

A upa  ကိုအောင်ဇေယျာထွန်း cu ralhrang hremhmun ah a kut tin an phawisak, a serh hmul an urkangsak, a hmai le a ke ah tidai thawl plastic urkangmi an forh, a awm, a pum le phu ah ralhrang boot in an cil ciamco, a awm le a zaang tluanah namte in an riat ciamco ih a thawthawt harsa cuahco in a thi dengmang.

Curuangah Emergency in tuamhlawm a tul phah, tiah theih a si.

SAC ralhrang cun Ma Cho Zin ih innsang pawl ralhrang hremhmun ah duhtawk an hrem hnuin ဒလ khawpi ih palik sakhan ah thubuai an tuahsak ih an inn sungih hlawnthil, sumpai le an motor tiangin an laksak thluh.

2022, December 29 ah Insein thawnginn ah Ma Cho Zin ih innsang pawl cu daantat an si ih a nu, a unaupa le a paseu cu Section 52 (a) sirhsan in kum 3 thawngtla dingin daan an tat.

Phunsang tlawng kai lai a naunu  မခင်ပြုံးကြည် cu thubuai pahnih Section 50 (j) le Section 52 (a) orhter a si ih kum 10 thawngtla dingin daan an tat.

Cun a unau seu  မမြသက်မော် khal Section 505 (a) hrangah kum 3 daantat a si hnu, Section 50 (j) hrangah daantat ding a bawh lai, tiah theih a si.

Be the first to comment

Leave a Reply

Your email address will not be published.


*