Rannung ngainat thluahthlonak hi mitin thinlung ah a um ṭheh lo.
Nunau hmuahhmuah lakah a hrek hrawng lawngin inn zuat sumhnam an ngaina fang ti a si.
Zawhte lole uite ngaina fala na neih a si ahcun nang cu mi vanṭha zet na si, tinak a si ke. Ziangruangah ti asile…
1. Lainatnak lungthin neitu an si: Rannung ngaina fala pawl hi an thinlung a nem ih lainat, zawnruahnak an nei cuang. Lemcan nun an nei lo ih midang parah theihthiamnak le zangfahnak an nei.
2. Ṭanghma an sial lo: Hmun dangah in-ei pakhatkhat an nei tikah rawl hleifuan pawl inn ih an tanmi zawhte an ruat ih an tlun ṭheu.
Himi ih sullam cu mah lawng puar zetih um an duh lo ih midang zawnruahnak an nei. Rannung hrang lawngah si loin an rualpi, ngaizawng tiangin seherhnak lungthin an nei, tinak a si.
3. Umhar an nei lo: Anmahte lawng inn ih an um hmanah umhar an nei lo. An zuatmi zawhte lole rannung pakhatkhat thawn sunvu zanvar an tlei thei.
Na fala cu a kiangah tikcucaan na pek thei lo hmanah ngaihtuah ding a um lo. Umhar lungleng in midang parah a lo phatsan dah lo ding. Rinum zetin a lo hngak thei ding. Milai phatsanawknak hi umtlang lo tuk ruangah a si duh tlangpi.
Umtlang dah lo ruangah umhar le lunglen a suak ih a remcang bikbik thawn boruak hman a si ṭheu. Cuvek caan ah na fala cu umhar le lunglen nei loin zawhte thawn nuam zetin an rak khawsa men ding.
4. Zawhte in a thihsan caan ah: Na fala cu a ngainatmi zawhte in a thihsan caan ah mitthli for thluahthlo in a ṭap thei ding. Zawhte pakhat hrang men hmanah a nun a kekkuai thei a si ahcun nang ih hrangah cun ziangtlukin a nun pumhlum a hmang ngam ding ti cu ruat mai aw!
Tulai santhar ahcun nunau pawl hi rannung thawn zuk post an uar zet. Sim zo bangin fala zate hin rannung an ngaina thluh lo. A then tla cun an fih, an ṭih ih an hua.
Asinan fala tampi lakah rannung ngainatu an um ko. Fala rannung ngaina na neih tikah thlahthlam siang hlah. A sual lo ding!
Leave a Reply