Zan ihthat zawngah phone an charge ta ih an inn a kang, a nupi a kang that

Thailand ram ih nupa tuak cu zan an ihzawng ah a nupi in phone a charge ta. An inn ih thing inn a si ih Phone Battery an charge mi cu a sa tuk ih a rak kang.

Vanduaithlak zetin a nupi cu a kangthat, tiah theih a si. A nupi hmin hi Nisachol Sawasdiwong a si.

Nisachol Sawasdiwong kum 33 le a pasal Yothin kum 36 hi zan ah itthat laiah phone battery an charge ta ih a rak sat tuk ruangah phone a kang ih an inn tiangin a kangral. An pahnih hin an ihthat thawt laifiang a si ruangah an thei lo.

May 26 ah Nakhon Si Thammarat ih thilthleng a si. Zinglam ihthat thawt laifang ah an inn a kang ih a pasal Yothin cu lung-aa zetin a tho ih a tlansuak. Asinan inn lengah lungcimit in a tlu.

A nupi Nisachol Sawasdiwong lawngte an inn a kang nasa tuk zo ih tlansuak dingin a zuam rero nan, a thi man, tiah palik pawl in an sim.

A pasal cu sizung lamah tuamhlawm a si ih a thih le nun ding sibawi pawl in an simthei hrih lo.

An innhnen pawl cun Yothin tei’ nupa bawm dingin an zuam rero nan, an inn hi a kang natsat tuk zo ruangah an runsuak thei lo. Palik bawi Chokdee Rakwattanapon ih simdan vek asile hitei’ nupa hi zan ihthatzawng ah phone an charge ta theu, ti a si.