Zaithiam 2 in US Supreme Court ih laireltu pawl an hmin rori saal in an camriam

June 25, zarhteni ih tuahmi Glastonbury Festival ah kum 19 mi zaithiam Olivia Rodrigo cun US Supreme Court ih Justices pawl a camriam ciamco.

Zaithiam Olivia Rodrigo cun mikhual zaithiam Lily Allen cu donsang parah a ko hrim ih F-K You timi an saktlang, tiah Page six cun a tarlang.

June 24 ahkhan US Supreme Court cun nauthlak siannak daan a phiat ruangah Olivia Rodrigo cun hitin a tongsuak.

“Hiti a si ahcun nupinu le tleirawl tampi cu an thih phah ding si ko. Cumi cu ka thlaphang lawlaw. Ka hlasakmi netabik ah Supreme Court Justices pawl hmincawi in ka sak a si,” tiah a sim.

“Hi hla hi dingthluk lairelnak hrangah a si. Samuel Alito, Clarence Thomas, Neil Gorsuch, Amy Coney Barrett le Brett Kavanaugh pawl ka lo hua hai tuk,” tiah Supreme Court ih Justices pawl hmin saal rori in hla a sak.

Cuhleiah donsang hnuaiih mipi pawl vun auh in, “Tu hi Glastonbury Festival ah vei khat ka hlasaknak a si. Lily thawn hla kan sak ding. Ka sunmang a famkim rori.

Asinan mani ah US Supreme Court ih lairel dan cu ka lung in hnoter,” tiah a sim hrih.

Zaithiam pahnih cun 2009 laiih hla laar zet “F-k you, f-k you very, very much/’ Cause we hate what you do/And We hate your whole crew” timi pawl an kutzung lai tung in an sak ciamco.