Yangon Thupthiar Cangvaitu sungtel mi 9, ralhrang in kai

SAC ralhrang uknak dokalhtu Yangon khawpi thupthiar cangvaitu sungtel mino 9 pawl cu kaih an si, tiah SAC ralhrang in December 1 ah thu an than.

An kaihmi sung ihsin mino 4 hi Anti-Coup People’s Liberation Force-ACPLF sungtel an si ih mino 5 hi Anonymous Fighter Force-AFF sungtel an si.

ACPLF sungtel ကိုဝေယံကောင်းထက် cu November 26 ah kaih a si ih cumi hnuah  ကိုဖြိုးသွေးအောင်၊ ကိုနိုင်လင်းဇော် le ကိုဉာဏ်ဝင်းလှိုင် khal ralhrang cun an kai vivo.

November 30 ah AFF sungtel ကိုသက်ဇော်အောင်၊ ကိုသိန်းကျော်စွာ၊ ကိုမျိုးမင်းဟိန်း၊ ကိုအာကာမင်းသိန်း le ကိုညီမင်းထွန်း pawl khal an kai pehzom, tiah theih a si.

An kaihmi mino 9 pawl hin  သာကေတ peng ih Kanbawza Bank suam dingin khawkhannak an nei, tiah SAC ralhrang in sual an puh ih ACPLF cun hi puhnak hi thuphan men a si, tiah December 2 ah thu an suah.

SAC ralhrang in Myanmar rampi thuneihnak a lak ihsin December 1 tiangah ramthukhelnak ruangih kaihkhihmi hi mipum 13017 an um zo, tiah AAPP cun a than.

Be the first to comment

Leave a Reply

Your email address will not be published.


*