Yangon luhnak gate ah Mino an check cuang, Sagaing le Magwe mino an hmuitin

Yangon khawpi luhnak Gate ah mino an check khirhkhan, Sagaing le Magwe mi an check hleice.

No description available.

Yangon khawpi luhnak Gate pawl ah SAC ralhrang in Mino hmuitin in an check khirhkhan, tiah khualtlawng phur Bus mawngtu thenkhat in an sim.

Yangon khawpi luhnak a simi Yangon-Mandalay lamzin hlun ih အင်းတကော် gate,  အမြန်လမ်း သုညမိုင်ဂိတ် le Yangon-Pyay lamzin Gate pawl ah ralhrang in khualtlawng pawl an check tikah mino an check khirhkhan zet, tiah an sim.

“Hmatpungtin an zohsak hmaisa.  ထောက်ခံစာ lawng keng pawl cu an zoihnit nasa cuang. Sagaing le Magway hmatpungtin kengtu mino pawl cu an thuhla cipciar zetin an sut,” tiah khualtlawng phur Bus mawngtu pakhat in a sim.

January 20 ah Hmatpungtin keng lo, mino pahnih cu ralhrang in an kai ih lamzin ah an bokkhupter hnuah an zang an pal ciamco lai thlazuk tiangin social media ah hmuh theih in an thlah.

Hi thlazuk hi a dik le dik lo, Lu Nge Khit cun a zingzoi ih khualtlawng phur Bus mawngtu pawl le khualtlawng pawl in thudik a si, tiah an sim.

SAC ralhrang in rampi thuneihnak an lak hnu hmatpungtin nei lo pawl motor ticket zawrh lo ding tiin thu an suah hleiah lamzin tluan ah tu le tu check-nak an nei, tiah theih a si.

No description available.

2023 hi dothlengnak netkhar kum dingah NUG in a phuan zo vekin SAC ralhrang hin an sahimnak hrang mipi check-nak an nei khirhkhan cuang, tiah khualtlawng phur motor mawngtu thenkhat in an sim.

Be the first to comment

Leave a Reply

Your email address will not be published.


*