November 2, zan nazi 6:30 hrawngah Yangon, ပန်းဘဲတန်း peng, lamzin 26 ih inn thilri zuarnak dawr cu suamhmang 3 in an luhhnawh ih tangka fai ting 150 lenglo le motor an laksak, tiah theih a si.
CCTV ih a langdan ahcun dawrneitu pacang cu Counter ah cazin a tuah rero ih a kiangah pacang pakhat a to ve.
Cumi laiah suamhmang 3 an lut ih dawrneitu le a kiangih to cu nam tin in an buanthluk.
Dawrneitu cun nunnak laksak lo dingin a dil ih sumpai a retnak hmun a khihhmuh hai. Misual 3 cun an kenmi dip sungah sumpai an thun ih motor tawh dil in motor tiangin an laksak, tiah theih a si.
“Video file khal zoh ngam hlah ing. An suahsual dan a turu tuk lawmman. Khawpi lun lai rori ah tuvekin an cangvai cu ttihnungza rori an si,” tiah tualsungmi pakhat cun a rel.
Dawrneitu le a rualpa hi namhar an tuar ko nan, cutlukin an bese lo, tiah theih a si.
SAC ralhrang in rampi thuneihnak a lak hnu, Yangon khawpi sungah rukru, suamhmang a phul in an phul, tiah tualsungmi pawl cun an sim.
Leave a Reply