Yangon ah ralhrang tirhkah pawl in hlankhan vote petu ding hmin cazin an la thok

SAC ralhrang ih tuah dingmi hrilawknak hrangah Yangon ramthen, peng 45 ah January 9 ihsin hlankhan vote (အကြိုမဲ) petu ding pawl hmin cazin an la thok, tiah Yangon ih khawsa mi pakhat in a rel.

Hmin cazin latu pawl cu veng tin hrawh in inn khat hnu inn khat an luhsuak ih sinfen menmen hruh in ralhrang in an kil, tiah a sim fawn.

“Hmin cazin latu pawl cu venglal, inn-za-lal le inn-hra-lal in an hoha ih vote cazin kan la, an ti duh lo.

Innsang mipum cazin le tui’ a um laimi mipum zat an kaih maw kaih lo timi kan zohfel men, tiah an relaw. Atufang nan innsang ah ziangzat nan um, zozo nan si? Tivek pawl kan zohfel, tiah an sim men.

Thlazuk awih a si lo ih thu rak suh khal sian a si lo. Annmah ih thusuhmi pawl san ding ti a si. Ralhrang rual in hnipuan menmen hruh in an thlun ih an tai ah meithal an pai, kan hmu,” tiah Yangon khawpi ih khawsa mi pakhat cun a sim.

SAC ralhrang lam cun innthawngca zohfelnak an neihmi ah Yangon ramthen Chief Minister, Yangon khawpi mangki bawi, Yangon ralbawi le ramri tlangbawi zung ihsin an tawlrelmi a si, tiah thu an suah thung.

SAC ralhrang hin 2023 hrilawknak hrangah hlankhan vote (အကြိုမဲ) petu ding hmin cazin khonnak January 9 ihsin ni 31 tiang an nei ding, tiah theih a si.

No description available.

2023 hrilawknak hi SAC ralhrang ih ramthukhel pahsuak theinak hlet pakhat men a si ih hrilawknak lem men a si ruangah zohman telpi lo dingah le hrinhroawknak a um asile report dingah NUG le dothlengtu pawlkom lamin thu an suah.

Be the first to comment

Leave a Reply

Your email address will not be published.


*