Yangon, North Dragon ih khawsa Chinpa Calvary Thang cu Bank ih sumpai a suah hnu a tlunnak lamzin ah suamhmang ih suam a ton thu amai Facebook sirhsan in theih a si.
“Damiah pawl kut sung ihsin Pathian in in runsuak.
Tuni October 28 ah ဆိုက်တွဲ to in bank ah hnatuannak hrang paisa ka suah ih kan tlunlamah damiah pawl in taxi pakhat le bike pakhat thawn zinpi pahnih karlak zinte kan thlenah kan dunglam in in dawi ih in taih.
A caan hi zinglam 10:00am hrawng a si. Taxi sungah mino 5 lai an to. In taih veten kan au ih kiangkap pawl bawm dingah an ra suak.
ဆိုက်တွဲ par ihsin ka tla ih ka thosal. Ka paisa ka pom ih dung lamah ka tlan. Ka tlan laiah taxi sung ih misual pawl cun thingtan in in vua ih Pathian kilvennak thawngin ka lu ngah loin ka liang ah in thawi ngah.
Kiangkap pawl in in pan cih ti, an hmu ih taxi sung ihsin an suak ngam lo ih zinkel dang in an tlanhlo.
Damiah pawl in bank ihsin mi an zoh thup ringring. Ralrin kan tul zet. Bank ihsin kan suak veten kan dunglam in a thupten in rak thlun rero.
Pathian humhimnak le kiangkap pawl ih bomnak thawngin kanmah siseh kan paisa siseh kan him. Kan ram dinhmun a siat sinsin ruangah ziangkim ah ralring sinsin le Pathian humhimnak kan tul.
Damiah kutsung ihsin in humhimtu a nungmi Pathian hmin kan thangthat. Thlacamnak thawn in bawmtu duhdawtmi unau le rualpi nan zate parah kan lungawi,” tiah a ngan.
Leave a Reply