Voksa kan ei hmanah himi (5) tal cu ei lo hramhram sehla a ṭha

Mi tampi cun sa hmuahhmuah lakah voksa kan duh bik cio ko ding. Chinmi hrangah tla cun voksa tel loih ruaiṭheh cu a famkim thei lo tlukih ruah a si. Asinan sa hmuahhmuah lakah voksa hi a thianghlim lo bik si sehla a sual lo ding.

Curuangah voksa kan ei a si hmanah himi (5) tal cu ei lo hramhram sehla a duhum zet.

1. A thin:

Taksa ih tur siava le bal hmuahhmuah sekkhawmawknak hmun bik cu ‘thin’ a si ruangah vok thin hi ei lo hramhram ding a si.

2. A Cuap:

Vok cun a hmur in leilung a nor ih a hmur le hnar an naihawk tuk ruangah leilung ih bal le rim sia pawl a hnar in a hip lut ih a cuap ah an pungkhawm thluh. Vok cuap ahcun bacteria le thil rim sia pawl an funtomnak a si ruangah ei lo sehla a sual lo bik.

3. A Rilpi/rilte:

Vok ti fam cu hruang thianghlim zetih kan khum hmanah thil si lolo an ṭhial paih tuk ruangah an pumpi a bal thotho. Vok pumpi, rilpi le rilte khi kholhfai mumal lo ih kan ei ahcun nat phunphun ngahnak a si. Kan ei a si hmanah kunnguh zetih kan kholhfai a ṭha.

4. A Thluak:

Vok thluak ahhin vitamin tam zet a um ih 100 grams ah thau (Cholesterol) 2500 mg a tel zo. Curuangah minung pakhatin nitin kan mamawh zatih let 8 lai a si ruangah vok thluak kan ei asile a ṭihnung tuk zo.

5. A Thisen:

Vok thi thun tlukih thaw le ei manhla a um lo. Asinan vok thi ahhin tur sia a tam zet, ti a si. Kunnguh zetih suan hmin hnu lawngah ei ding. Hmin lo, hlam deuh ih kan ei a si ahcun a ṭihnung zet.

Be the first to comment

Leave a Reply

Your email address will not be published.


*