Venglal zunginn sungah bomb an denglut ih venglal telin mi 2 an ngal that

Mandalay khawpi, lamzin 123 le lamzin 58 karlak, (F) venglal zunginn sungah bomb an denglut, tiah theih a si.

Tuni October 31, zinglam nazi 10:45 ah (F) venglal zunginn sungah Mandalay UG pawlkom in bomb an denglut ih venglal telin mi 2 an thi.

“Lamzin 58 le lamzin 123 karlak venglal zunginn sungah bomb an denglut. Mi 7 an hriam. Asinan mi 2 lawng an thi. Venglal cu a pum a kek ih a thi. A hmin lawngte kan theih lo. A kaizavengtu mi 1 khal a thi ve.

Venglal zunginn kiltu palik pawl cu bomb har pet in malte fingfing a ngah. Kan pawlkom ihsin nun rak liamtu ဗိူလ်အောင်မြေ le kan dung zarh ih Anonymous Force MDY ihsin nunliamtu Shan Lay hrangah thisen leiba kan hlamnak a si, tiah Anonymous Force MDY ih tuanvoneitu cun a sim.

Hi cangvaihnak cu Anonymous Force MDY, Mandalay Youngs Force le Trust Keeping Force tangkap ih cangvaihnak a si, tiah theih a si.