Yangon, Shwe Pyi Tha peng, veng 27 zung cu October 24, simlam nazi 2 hrawngah zo ti theih lo, ralthuam keng 2 in meithal zun riak hmet puak in an kap.
SAC ralhrang ih retmi venglal Myo Min Than cu a ke ah kah ngah a si ih a nupi Malar Mon lawngte a hmunah a thi cih, tiah theih a si.
“Venglal nupi cu a thi, tiah an sim cio. Venglal lawngte a thi lo. Annih nupa hi an thlunaw ringring. A nupi hi a sawtsaw-lol zetih a pasal venglal a sinak suang zetin veng sungah a khuang thei tuk.
A pasal maw a nupi so venglal tuan deuh ti khal theih lo ding khopin a tawrhmawh,” tiah an vengmi nunau pakhat in a rel.
Venglal Myo Min Than le a nupi Malar Mon hi zung sungih an to laiah sangka ihsin an kap ih a nupi cu a thinhna-ka ah an kap ngah ih a thi. A pasal lawngte a ke ah kah ngah a si ih sizung ah an phur, tiah theih a si.
Cu hleiah Mingaladon peng, ရေကြည်အိုင် veng ih venglal zung khal October 24, simlam nazi 2 thotho ah kut ser bomb in den a si, tiah YDPF-MGDN ih tuanvoneitu Scorpion cun a sim.
Leave a Reply