Venglal in thih ṭih ah mitthli tla in ngaidam a dil nan, an that thotho

Mandalay ramthen, မဟာအောင်မြေ  peng, ဗောဓိကုန်း အရှေ့ရပ် 96 D lamzin, 40-41 karlakih SAC ralhrang dinpitu venglal U Saw timi cu January 15 ah a inn ah an thianfai thu Special Task Force (Mandalay) in thu an than.

U Saw hi STF-MDY in venglal tuan nawn lo dingah vei tam zet theihternak an nei nan, a tuan hleihlo thotho ruangah tuvekin kumkhua cawl lawlaw dingin nun an simnak a si.

Netabik ralrin an pek hnuah U Saw cu ralhrang duhzawng hlirin a cangvaih ruangah STF-MDY cun a inn ah an pan. Cutik lawngah U Saw cu a siraw tuk ih thih a ttih ruangah mitthli tla kuahko in zangfah a rak dil hai.

Asinan sirawknak sullam a nei nawn lo! Venglal ihsin bang dingah theihternak an pek rero laiah luhlul suah in a rak hringhro theu ih atu ahcun zangfahnak pianpi riai loin U Saw cu STF-MDY in an thianfainak a si.

“Nun kan sim rero laiah ziangah in siarlo ih tongkam siava zetzet in in let men. Atu ahcun thih ttih in ngaidam in dil nan, khua a tlai tuk zo,” tiah STF-MDY ih tuanvoneitu cun a sim.

U Saw hi a liam zomi ahkhan SAC ralhrang dinpitu pawl sawmkhawm in PDF, NUG dokalhnak lamzawh duhphorhnak an nei ih cumi ah hohatu bik a si, tiah theih a si.