Kum 50 lai an rak fehpi zomi nauthlak sian daan an rak neihmi cu US Supreme Court cun a phiat ta riai.
US president Joe Biden cun Supreme Court ih lairel dan cu a mawhthluk zet. Ziangahtile Democrats lam hi nauthlak duh an si.
“Supreme Court hrangah siseh, ram mipi hrang khalah riahsiatza thlen ni a si,” tiah Joe Biden cun Ruuninn Rangpi (white house) ihsin June 24 (tlawngkaininga) ah a sim.
Cuvekin Spreme Court ih thuthencatnak mawhthluk ih duhphorhnak nei dingin president Joe Biden cun mipi a forhfial hai.
US sihni sang (Attorney General) Merrick B. Garland khalin Supreme Court ih lairelmi parah nasa zetin a mawhthluk ve.
President hlun Donald Trump cun Supreme Court ih lairelcatnak cu lungawi soparten a hmuak ih amai’ san laiah a rak retmi thuthentu pawl ih lungkimnak in thuthennak an tuahmi parah hlawhtlinnak ngaingai a si, tiah a rel.
Supreme Court ih thuthentu pakhat a simi Samuel Alito cun daan hrampi ah nauthlak siannak a um lo vekin nauthlak siannak kilhimnak daan hrimhrim khal a rak um lo, tiah a sim.
Nauthlak hliakhlaitu Guttmacher zung lam cun, tuvekin Supreme Court in nauthlak a sian nawn lo asile USA thlanglam (South) le Midwestern ih ramkulh 26 ahcun daan an thlun thei men.
Asinan nauthlak siannak ramkulh pawl ah nunau tam zet an vai supso lai ding, tiah an rel.
Leave a Reply