US Navy ralkap in Iran ralthuam phur longpi an kai

Iran ihsin Yemen pantu ralthuam phur thup nga kai long pakhat cu US Navy in an kai, tiah theih a si.

January 6 ah Yemen tipi kelah an kai ih January 10 lawngah US Navy ralkap zungpi in thu an than fang. Nga kaihnak longpi ahcun AK-47 meithal 2000 lenglo an phur.

Tipi ih ralvengtu US long, USS Chinook (PC9) cun hi ralthuam phur long cu an sulhnu zoihnit vivo ih an kaihmi a si.

Yemen ram, Houthi hriamhrei kai pawl hrangah an phurhmi a si, tiah US Navy Commander Lt. Gen. Brad Cooper in a sim.

Houthi ralhrang pawl hnenah direct in siseh, indirect khalin siseh ralthuam petu, zuartu pawl cu UN Security council ih thukham No. 2216 an buar a si, tiah anih cun a sim.

No description available.

Ramdang daan buar tahrat in ralthuam a thuptei’ tolluttu Iran siseh, ram dangdang khal catbang loin an kilven ringring ding thu US Navy Commander Lt. Gen. Brad Cooper cun a sim fawn.

Be the first to comment

Leave a Reply

Your email address will not be published.


*