US ihsin SAC ralhrang ṭan ih Live a thlah ṭheu ruangah thubuai tuahsak a si

US ih khawsa Myanmar pa  မိုးစက် timi cu SAC ralhrang ṭan in Live thlah ih a au ṭheu ruangah thuṭhennak zung ah hek a si ih atu ahcun thubuai rit zet relfelsak dingin sumpai tampi cem in sihni a hmang rero, tiah theih a si.

No description available.

မိုးစက် cun April Moe Facebook Account ah amah rori in buainak a ton thu le SAC ralhrang dinpi ih hlawk lozia video thlah in simfiangnak a nei.

Myanmar Tatmadaw ka ṭan ruangah buainak ka tong. Sihni ka sang ih US Dollar 20000-22000 cem thei ka si. US daan ka buar ruangah a si bik.

Myanmar tatmadaw rak ṭantu pawl nan kaa cip men uh. Keimah vekin buainak nan tong pang ding!

Tatmadaw ttan hi hlawknak a um lo lawlaw. Kan hlawhsun cu thihnak men a si. Kei tla ka umnak New York ah i that duhtu tor le seng an um nan, US a si vekin daan in i hum fangfang. Myanmar ah um ningla ka thih zo ding.

Myanmar Tatmadaw ṭan cu ramleng ah kutzung kiah zat lawng kan um. Annih mipi lam lawngte an tam tuk. Annih cu an ṭangrual ih an ralkap PDF an thih hmanah ‘paralṭha’ tiin an sunlawihaw thiam.

No description available.

Kannih cu ui le ar thi vek fang kan si. Zohman in in run lo ih zohman in in bawm lo. Atu khalah keimahte ka tuar cuahco a si hi.

Curuangah Myanmar Tatmadaw ttantu pawl an thinlung ih nan ttan zet hmanah na kaa ah pawt citcet hlah seh. Daitei’ nan um ding, ka lo duhsak, tiah a sim.

မိုးစက် hi thuthennak zung ah nehnak a co lo asile kum 6 thawngtlak hnuah Myanmar ah dawi tlung ding a si.

Refugee/ Asylum dinhmun ih ram thumnak thleng tahrat in SAC ralhrang ttantu cu Refugee an dilnak case thawn a kalhawk ruangah thubuai tuahsak theih a si.

No description available.

Ziangahtile Myanmar Tatmadaw ṭhatlonak phuahlam in UN ah case tuah a si ruangah ram thumnak thlen hnuih Tatmadaw ṭansal ciamco cu mi linglet dinhmun a si ih US le Europe daan an buar tinak a si.

 

Be the first to comment

Leave a Reply

Your email address will not be published.


*