United States of America ih Philadelphia khawpi ah June 4 (Zarhteni) ah meithal kahnak a thleng ih mi 3 an thi, mi 11 in hriam an tuar, tiah palik in an sim.
US ahhin mipi lakah meithal len ih kahawknak a thlen zeuhzeuh ruangah rehter dan an dap rero laifangah tuvekin kahawknak a suak lala.
Philadelphia ih palik hotu DF Pace cun mi 1 hnakih tam meithal kengtu pawl cun mibur lakah meithal an hmet puak. Mipa 2 le nunau 1 an thi, tiah thuthanglatu pawl hnenah a sim.
Zantim ah palik pawl khawpi kilhim hna an tuan ih khawpi an hel rero laiah meithal puak awn an thei ih an va feh cih.
Palik bawi pakhat cun meithal keng mi pakhat a kap ih a kut ihsin meithal a thlak hnuah a tlansuak. A tlansuaktu hi palik in a kah ngah le ngah lo theihfiang a si lo, tiah an rel.
Tuni tiangah meithal celektu pawl hi kaih an si lo ih zarhpini zinglam tiangin buainak a suahnak hmun cu lamzin an phit thluh, tiah media ah an tarlang.
A hmunah meithal pahnih palik pawl in an laksak zo ih minung lawngte kaihmi an nei theih hrih lo.
A kiangkap dawr ih CCTV zoh in misual hawl hna an tuan rero tiah theih a si.
Leave a Reply