UN ih NUG Myanmar ram palai U Kyaw Moe Tun ih thuburmi SAC ralhrang in Nuclear ralthuam a tuah tummi cu lungkimpi le lungkimpi lo, vote an la, tiah theih a si.
A ttum 77nk UN General Assembly Coference kaitu ram 180 in October 31 ah vote thlaknak an nei ih SAC ralhrang in Nuclear ralthuam fate a tuah dingmi lungkim lotu ram 118, lungkimtu ram 42 le vote pe lo ram 20 an um, tiah theih a si.
SAC ralhrang hin tui’ hnu kum reilote ah Nuclear ralthuam tenau meisa tha peknak cetzung din dingin Russia company pakhat thawn hminkhennak an nei.
Himi thu ah UN palai U Kyaw Moe Tun cun dokalh in ramdang pawl hnenah SAC ralhrang cangvaihnak mittthep loin zohthup dingah a cahfak kai.
SAC ralhrang ih sivai ralthuam (Chemical Weapons) a tuahmi thu thawn pehparaw in mipi hnenah tlangzarhnak a um lo vekin Nuclear ralthuam a tuah tummi khal a karhzai hman hlanah dokalh a tul rori, tiah U Kyaw Moe Tun cun UN General Assembly ah thu a bur.
Leave a Reply