U Kyaw Moe Tun UN palai a si hrih, NUG le SAC acozah cuhawknak lawngte December ah an rel fang ding

NUG ih ram palai U Kyaw Moe Tun cu Myanmar ram aiawh UN palai si dingah ramdang pawlkom 358 ih dilsaknak cu UN in a cohlan thu simthannak an tuah zo, tiah Myanmar ram thu ih cangvaitu Progressive Voice ih Daw Khin Ohn Ma cun social media ah official in tlangthannak a nei.

U Kyaw Moe Tun cu Myanmar palai in UN meeting a kai sunzom ding ih amahbelte UN in SAC le NUG ah zo sawn acozah ah a pom ding timi thu cu December lamah a hliah fang ding, tiah a sim fawn.

“UN ah Myanmar palai U Kyaw Moe Tun a um hrih ding thu ah ram 9 (credentials committee) in September 14 ah an zohfel ding timi thu ah kan zaten theihfiang kan cak cio ih curuangah ka lo sim hai. Committee hin tu rori ih thuburmi tu rori ah thuthennak tuah in UN Assembly ah an pulut ding tinak a si lo. Committee ram 9 pawl in an relkhawm lai ding. Cumi an relkhawm thusuak cu UN Assembly ah cohlan a si theinak dingah an thlen ding.

Hi committee ih thu thlenmi cu zohman dokalhtu an neih lo asile December thla ah resolution timi thuthencat tul timi ah a tel dingih an nemhnget ding. Hi thutluknak cu rampi aiawh a si thlang ding ih 2022 ihsin a hna a tuan thok fang ding,” tiah Daw Khin Ohn Ma cun a simfiang.

September 14 ihsin December ih an tuah dingmi tum 76nk UN Assembly tiangah U Kyaw Moe Tun cu sunzom in meeting a kai thei hrih lai ding, tinak a si.

May be an image of 2 people, people standing and outdoors

SAC ralhrang palai cu UN Assembly ah kai thei lo dingin US le China in lungkimnak an nei zo ih U Kyaw Moe Tun khal UN Assembly cu a kai ko ding nan, thusim theinak caan an pe cuang lo ding. Asinan November thla cem tiang Myanmar aiawh UN palai a tuan hrih ding, tinak a si. (Khit Thit Media).

Be the first to comment

Leave a Reply

Your email address will not be published.


*