U Kyaw Moe Tun le NUCC Nobel laksawng ngah thei hmin cazin ah telh

U Kyaw Moe Tun le NUCC cu Nobel laksawng ngah thei hmin cazin ah thun an si.

Myanmar UN palai U Kyaw Moe Tun le National Unity Consultative (NUCC) cu Nobel Peace Prize ngah thei dinhmun ah an hmin bur a si.

Hi thu hi Norway hrambun Peace Research Institute Oslo (PRIO) in February 1 ah hmin a burmi a si.

Myanmar ram palai U Kyaw Moe Tun hin UN ah a cangtheitawk in ttan a khawh ih SAC ralhrang cu Myanmar acozah si lo dingah a aupi vekin Myanmar mipi pawl ih lungthlitum leitlunpi theih ah a tarlang thei ruangah Nobel laksawng ngahtlak rori a si, tiah PRIO chairman in a sim.

Cuvekin NUCC khal Myanmar ah SAC ralhrang uknak karsiat in Federal rampi dinsuak a si theinak dingah zuam zettu pawlkom pakhat a si, tiah an tarlang.

PRIO ih hmin an burmi pawl ahcun U Kyaw Moe Tun, NUCC hleiah Iran le Afghanistan ih Human Rights Cangvaitu pawlkom le ICJ tla an tel.

Hmin an thursuakmi pawl cu Nobel laksawng petu ding Committee in an thlet fim hnuah October thla ah phuansuahnak an nei ding a si.