Tui’ hnu kum (5) sung uk ningla Myanmar cu ram lian cazin ah kan lang ban ding: Min Aung Hlaing

Tui hnu kum (5) sung tal rampi uk bet thei ningla Myanmar ram cu ram lian zet cazin ah kan tel ban ding, tiah Min Aung Hlaing in a sim.

Hi thu hi anmah SAC ralhrang thuthanglatu pawl hmaiah a relmi a si, tiin Sport Gabar cun a sim.

SAC ralhrang lalpa Min Aung Hlaing hin rampi thuneihnak dik lo zetih a lak hnuah Myanmar ram cu ṭumsuk men hman si loin taw nei lo khur ah a nini in in dawpthlakpi vivo, a ti theih. Acozah lairelnak a buangbarter.

Pursum leilawnnak a tlasia ih tangka manmual a hloh deuhdeuh. Myanmar tangka in manmual a nei nawn lo ih tufang ah US Dollar 1 cu 2000MMK zikte laiih lei a tul. Asinan amah tantu sipuazi tami pawl cun sumpai manmual hi kel a awhsal thei ding, an ti hrih.

Ram mipi hna nei lo tor le seng an um. Ralhrang ṭih ah hramlak ah a sur a sa kian loin an tlan. A ṭhen an kai, thawng an tla ih ṭhenkhat an that. Mawhnak nei lo an thah zozai hi mi 1000 leng a si zo.

Cu laiah Min Aung Hlaing cun, “Kum (5) tal ram uk bet thei ningla ramlian cazin ah kan tel ban ding,” a ti thei lai.

Be the first to comment

Leave a Reply

Your email address will not be published.


*