Ayeyarwady ramthen, Myaung Mya peng ih Township Education Office ih cazi (clerk) 1 cun tlawng sayagyi, saya/ma pawl ih khualtlawnnak ding DA/TA sumpai ting 200 lenglo a la ih a tlanhlo, tiah tualsungmi pawl in an sim.
Township Education Office ih cazi (1) Non-CDM pakhat cun Non-CDM tlawng sayagyi le sayamagyi pawl hrangah an thla hlawh suah ti um loin a kaihtang rei tuk ruangah kawh a si.
Township Education zung ah an ko ih amah cu ra lang duh loin a tlansuak, tiah an sim.
“Cazi nu ih hmin rellan a si lo. Amah hin sumpai a kol tikah maltete in a rak hmang. A hmanmi le sumlut sumsuak a kaih thei lo ruangah a tlansuak a si bik.
Sumpai a tlanpi zat hi ting 200 lenglo a si ding. Tlawng saya pawl cu thla hlawh an don lo ruangah an thinheng zet. Thubuai le an tuahsak ngan lo. Township Education Officer in thuhla thup ih hlawh nei loin hna an tuan rero men,” tiah Township Education zung thawn naihniamaw zettu pakhat in a rel.
SAC ralhrang in tlawng an phuan tikah tlawng hmin pe tamnak bik hi Ayeyarwady ramthen a si ih Myaung Mya peng cu tlawnginn zaten tlawng an phuan, tiah theih a si.
Leave a Reply