Tonzang peng ah Bing cingtu an tam deuhdeuh

Myanmar ih ramthen le ramkulh lakih rethei bik Chin ramkulh saklam Tonzang peng ah nuntu khawsat harsatnak ruangah Bing cing an tam deuhdeuh, tiah RFA in a phuang.

May be an image of flower and nature

Annih hi pipu san ihsin vainim le be cing an si nan, an ti-rawl tharmi in hnianghnarnak khop an ngah thei lo.

A hleice in SAC ralhrang in rampi thuneihnak a lak hnuah pursum leilawnnak le eibar hawlnak a tlabal deuhdeuh ih Tonzang peng ah Bing cing an karh sinsinnak a si, tiah RFA cun a tarlang.

Tui’ kum sungah Bing cinnak loram eka 1000 lenglo a um, tiah tualsungmi pawl khalin an sim.

“Bing cin hi an hnapi bikah a cang. Inn tin deuhthaw in a malbik eka 2 ihsin eka 30 tiang an cing. Innsang ah hnatuan thei an tam le mal dan ihzirin bing an cing,” tiah an sim.

Tonzang peng ahhin 1980 lai ihsin Bing an cing thok ih asinan tui kum ah an cing tam sinsin, tiah theih a si. Bing cin rori in khaw 30 lenglo, an nun a nom phah.

Bing hi India ih a suang thiam pawl Tonzang peng rori ah ra lut in an hnai pektemi pawl an lei theu.

May be a close-up of flower and nature

Atu caan hi Bing hnai caan a si ih suan hrih lo, Bing hnai cu cuai kat ah ting 20 kiangkap a man, tiah theih a si.

Be the first to comment

Leave a Reply

Your email address will not be published.


*