Tleirawl ruk a si ih tuiṭum hin vei hnih an ruknak a si

Nunau pakhat zo ti theih lo mipa 3 in an ru.

Shan ramkulh sakhan, သီပေါ peng ah kum 22 mi nunau pakhat cu November 5, simlam nazi 3 hrawngah mipa 3 in motor dum mawng in an ru, tiah theih a si.

No description available.

Anih hi hramthok a hlan khalah Mandalay tiang ruk a rak tong dah ih atu hin vei hnih ruk a tonnak a si, tiah a nu cun a sim.

“Hmaisa a hloh ttum cu mino hringnun vekin tlangval in an ru hmang ah kan ruat.

A hloh hnu nazi hrek hrawngah amah in Message in kuat ih a umnak hmun a theih lo thu in kuat. Mipa pathum in in beng, tiah a sim. Mandalay ih a pi hnenah a phone thu a rel.

No description available.

Mipa 3 kut ihsin a tlansuak thei. A ruk ni ih a thaisun ah inn ah a tlungsal,” tiah a nu cun a sim. Nunau nute cu a suahsemnak သီပေါ ih a tlun hnu, November 5, simlam ah ruk a tong lala, tiah a nu cun a sim hrih.

“Inn ihsin sang zuarnak ah a feh. Sang in rak sum dingin ka cah hngehnge. A nau kum 8 mi in a thlun fawn. A naunu lawng a ra tin ih ‘ka unu an ru’ tiah a ra rel.

Motor dum le mitkharh dum kharh mipa 3 in motor in an tlanpi, tiah a sim. Ka fanu hi ka ruahhar tuk. Ziang ka tuah ding, ti ka theih lo.

Palik sakhan ka simthei zo ih atu tiang pehtlaih a theih hrih lo,” tiah a nu cun a sim vivo. Ruk tong nunau hi မဆောင်းဟေမာန်ငြိမ်း kum 22 a si ih သီပေါ khawpi, Kawl veng ih khawsa a si.

No description available.

Nunau ruk a si ruangah palik pawl cun သီပေါ khawpi le ကျောက် မဲ khawsuah hnar ah khualtlawng veivak pawl an check rero, tiah theih a si.

Be the first to comment

Leave a Reply

Your email address will not be published.


*