Tlawngta pakhat cun a tlawngkaipi fala neiaw dingin a sawm ih fala in a rak el ruangah nam in a dawt that.
Hi thilthlennak hmun hi Egypt ram, Cairo khawpi ih Mansoura phunsang tlawng ah June 20 ih thilthleng a si.
Mohamed Adel timi pa cun a tlawngtapi nunau Naira Ashraf timi nu cu neiaw dingin a sawm. Asinan Naira Ashraf cun a duh lo ih a rak el.
Cumi tuar na ti in Mahamed Adel cun Mansoura phunsang tlawng bus ihsin tum Naira Ashraf cu a rak bawh ih nam in a dawt.
Mahamed Adel ih Naira Ashraf nam ih a dawh lai cu tlawnginn leng CCTV in a hmuh theih thluh.
CCTV ih a lang dan ahcun an kiangnai ah midang khal an um nan, zohman in an run ngam lo, ti a si. Mangbang le lau keke in an rak zoh men.
Egypt ramsung thuthang cun Naira Ashraf cu a hngawng ih namhar ruangah a thi, tiah a ngan. An buainak zuk le video cu online ah a darh nasa ih Egypt ramsung a hrawh zet.
Palik pawl cun buainak hramthok dan an zingzoi ih tlawngta pakhat an kai. Egpytian Independent cun Mohamed Adel le Naira Ashraf hi phunsang tlawng kum thumnak kaitlang an si, tiah a sim.
Thuhla an theih vivomi ahcun tlangval hin fala hnenah neihawk a dil ih fala in a rak el. Curuangah tlangval Mohamed Adel hin a hnoksak ringring.
Hiti Mohamed Adel in a hnoksak ringring cu tuar thei loin Naira Ashraf in kan dung thla hnih hrawngah palik hnenah a rak report dah. Asinan palik pawl in an rak uksak lo.
Naira Ashraf a thih hnuah palik pawl cun Mohamed Adel cu an kai ih ni 4 sung an hreng ding ih thuhla zoihnitnak an nei ding.
This young lady was stabbed and killed today by her classmate in front of her college just because she rejected him!!! yet,some people are still justifying his crime.She was beaten in front of everyone yet, nobody took an action.Justifying a crime is also a crime.#جامعة_المنصوره pic.twitter.com/M4hcncLzPT
— Haya Ibrahim (@HayaIbr29958650) June 20, 2022
Egypt ram ahhin nunau le tleirawl pawl humhimnak an tlasam ih Numi Covo khalin ngaihsak a hlawh lo, tiah an sim cio.
Leave a Reply