Ram buainak ruangih kaih tong mino le tlawngta tampi zangfahnak pianpi riai lo ih daantat theutu Mingala Taung Nyunt peng thuthentu (Chief Judge) U San Linn an kap that.
July 15, zan nazi 7 hrawngah thuthennak zung ihsin a inn ah taxi sang in a ra tlun laiah Special Task Agency of Burma (STA) in an rak kah that thu theih a si.
“Meithal in kah a sinak hmunah thuthentu U San Linn cu a thi cih. Asinan a tomi taxi driver cu zianghman siatsuah a si lo. Kannih lam khal buainak um lo riai in zamrang zet le hlawhtling zetin dung kan sip thei,” tiah STA cun an sim.
STA hin July 15 simlam nazi 4 ah Hlaing Thar Ya thuthennak zung khal bomb an puah thotho thu tuanvoneitu cun a sim.
STA hi SAC ralhrang a zunghram ihsin phong dingah dothlengnak pawlkom a si ih khawpi sungah an cangvai bik.
Leave a Reply