India ram saklam khawte berek ah nauhak nute pakhat cu tlavang in a deh, tiah METRO thuthang sirhsan in theih a si.
July 1 (tlawngkaininga) zan ahkhan India ram saklam Kashmir ramkulh ih Gopalpora timi khua ah ‘Zubaida Jan’ timi kum 6 nauhak nute cu a nu thawn an lek rero laiah tlavang in a ra thiar.
Tlavang hin tiva kapah a thiar lai Zubaida Jan ih nu in a hmu ih tap le rak in a au ciamco.
Khuami pawl cun an thei ih an pungkhawm hnuah mah le phone cio vang in an hawl.
Napi’n an au ruangah tlavang cu lungphang in a rak tlanhlo ih nauhak nute cu an hmusal.
Asinan nauhak nute Zubaida Jan ih mithmai le a taksa cu tlavang ih keunak hriamhma zoh tha loin a rak um. A hngawng khal a hrekkhat lai a rak bal hemhem.
Palik pawl an sim ih an ra thlen tikah nauhak nute Zubaida Jan cu a hnuk a rak cat zo.
Hi tlavang hin kan dung zarh lai khalah Zubaida Jan ih upa a rak zon dah. Asinan a upa cu hriamhma malte ngah in a luat man.
Cu lo khalah an khawsung nauhak 3 lai a rak keu that dah zo, tiah an sim.
Leave a Reply