Tlangvalpa in nupinu itthat lai a nam ih an kai

Namsan khawpi ah nupinu pakhat cu kaihhrem a si ih a kaihremtu cu TNLA in an kai, tiah theih a si.

Shan saklam, Ta’ang (Palaung) umnak Namsan khawpi ih veng pakhatah nunau kum 44 cu kaihhrem a si ih a kaihremtu mipa cu TNLA in an kai hnuah kol an bun.

Thilthlen dan cu June 17, sun nazi 1:30 hrawngah nupinu hi an inn ihnak khan ah a it. Cu laiah tlangval kum 22 mi Mai Aik Tun timi cu an inn hnuai hmuandum kulhnak ihsin a hung kai ih an ihkhun ah lut in a kaihhrem.

Kaihhrem a tuartu cun, “Ka parah hivek tuah lo dingin zangfah ka dil rero nan a duh lo. Zohman in in thei cuang zik lo, tiah i hmuhsuam thotho,” tiah a rel.

Kaihhrem a si laiah nupinu cu a kio a raak ih cumi au-aw ruangah Mai Aik Tun cu lungphang in a tlansuak, tiah mit hmutu mi pakhatin a rel.

Mi duh na lo cingih kaihremtu cu hremnak pe dingin nupinu ih heknak vekin TNLA in Mai Aik Tun cu an kai ih an sakhan ah hreng an sut.