Tlangpar hriamkai pawlkom 7 ih sawmnak SAC ralhrang in remti lo

NCA hminkhen tlangpar hriamhrei kai pawlkom 7 ih tonkhawmnak sawmmi SAC ralhrang in remti hrih lo.

NCA kahcawlhnak ih hminkhentu tlangpar hriamhrei kai pawlkom NCA-S EAOs (7) cun a langte in SAC ralhrang thawn tongaw dingih an sawm ih hi an sawmnak cu SAC ralhrang lamin a remcang hrih lo, tiah thu an khirh, tiah theih a si.

NCA-S EAOs (7) ih thuphuangtu Colonel Kaw Kyaw Nyunt cun, “Kan sawmnak vekin a remcan lo thu in khirh.

Atufangah mah le hnatuan tul thawn khatlam khatlam kan buai tuk hrih ih tonkhawmaw dingin a remcang hrih lo a si bik,” tiah a sim.

An tumtah hmang ahcun December 12 ah Thailand ram, Chiang Mai khawpi ah khatlam khatlam palai malte thawn a langten tonawknak neih ding a si.

Cumi hnu December 15 ihsin ni 17 tiang Taunggyi lole Mawlamyine ah palai kimcang deuh in tonawknak neih ih hitawkih an thurelmi pawl December 20 le 21 ah Yangon ah lungkimnak hminkhen ding an si.

SAC ralhrang tlon lungawi zuamtu tlangpar hriamhrei kai pawlkom 7 cu ALP, NMSP, LDU, PNLO, DKBA, RCSS le KNU/KNLA-PC an si ih an lakah RCSS lawngte thazang khohkhah umsun an si ih midang pawlkom 7 cu ralkap malte lawng nei hlir an si.

Be the first to comment

Leave a Reply

Your email address will not be published.


*