Tiva ah Truck a liam ih a totu zate deuhthaw an thi

Africa khawmual ih ram pakhat a simi Congo ah khualtlawng minung 50 phur bus pakhat cu tiva ah a tla ih an zate deuhthaw in an thi theh.

October 18 ah hi thuthang hi media lamah tarlang a si ih ramdang media pawl khalin October 20 lamah an tarlang ve. AFP ih tarlang dan vek asile Kaluma-Ngongo lamzinpi parah feh rero lai khualtlawng minung 50 phur bus pakhat cu rinloparal ah lamzin sirih tiva a tla.

Hitawk hmun hi thuthang lam pehtlaih harsatnak hmun a si ngelcel ih hi cangsualnak khal zohman in an thei lohli lo. An theih hnu runhimtu pawl an va thlen cu a rak tlai tuk zo, ti a si. Bus totu an zate deuhthaw an rak thi man, tiah an sim.

“Bus hi Kaluma-Ngongo lamzin sir tivapi ah a liam ih khualtlawng mi 50 lenglo a phur,” tiah an kiangkap thuneitu Harce Kayumba in a sim. Vanthat ah mi pahnih cu an luat, tiah a sim hrih.

“An zaten mi 50 lenglo an si nan, mi 2 cu an luat thei ih sizung lamah zohkhen rero lai an si,” tiah a sim.

DRC: 21 people killed in road accident near Goma - Teller Report

Congo ram ahhin tu le tu motor cangsualnak a thleng thei zet. An motor hi truck phun a si ih thilri khal duham zetin an phur ih minung khal khat thenthen in an phurh theu ruangah cangsualnak thleng theu in mipakhat cun a rel.

Be the first to comment

Leave a Reply

Your email address will not be published.


*