TikTok an hlon (phiat) ding le ding lo, theihternak an nei cing ding

IT san a si vekin leitlun ah thiamnak a sang ih olsam zetih hman theih dingmi Application le Software nitin deuhthaw a karh vivo.

Cumi lakah mi tampi ih aatcilhmi Application khal tor le seng a um zo ih mino pawl thinlung la zettu TikTok Application khal cumi lakah a tel ban ve.

TikTok Application hi social media ah Facebook thluh in a pahnihnak mipi ih hman tam bikmi Application a si.

Thinlung bang caan, hirhanak le hnihsuak zoh duh hrangah TikTok lek le zoh cio a si ih khatlamah theihkaunak khal mi a pe zet.

Asinan, kan dungte ah US Federal Communications Commission (U. S. FCC) ih hotu Brendan Carr timi cun TikTok ih Search ahhin a hmangtu pawl ih Browsing History, Location Data le Data dangdang pawl a rak khawlkhawm thup theu, tiah a sim.

Mi bulpak thuthup pawl a ruk ruangah Google Playstore le App Store ihsin TikTok hi hlon (phiat) dingin a rak theihter dah.

Curuangah Google Playstore le App Store cun hi thu hi khunnguh zetin relkhawmnak an nei ding, tiah theih a si.

Ziang a si khal le July 8 khi ni netabik ah khiah in TikTok hlon a si ding le si lo ding theihternak ca an khirh ding, tiah thuthang a suak.

TikTok is not just another video app.
That’s the sheep’s clothing.

It harvests swaths of sensitive data that new reports show are being accessed in Beijing.

I’ve called on @Apple & @Google to remove TikTok from their app stores for its pattern of surreptitious data practices. pic.twitter.com/Le01fBpNjn

— Brendan Carr (@BrendanCarrFCC) June 28, 2022

TikTok hmang le uartu pawl cun July 8 khi hngakhlap si, huphurh si in kan rak thlir cio pei.