Ticawm sungah motor a tla ih a pil, a sungih to innsang khat an thih thluh an zum

Hpakan ah nauhak 1 telin innsang member 3 tonak Pajero motor cu ticawm ah a tla ih an zaten an thi thluh.

Kachin ramkulh, Hpakan peng, Aye Mya Thar Ya veng ih ticawm sungah nauhak 1 tel in sungkaw member 3pawl an tonak motor Pajero cu ticawm sungah a tla ih a pil, tiah tualsungmi pawl in an rel.

June 9, zinglam nazi 9 lan hrawngah hi motor hi ticawm sungih tla a si ih a sungih totu innsang khat cu an zaten an thih thu, atufang ah motor cu ticawm ihsin an phorh rero lai thu theih a si.

“Aye Mya Thar Ya kiangih ticawm ah Pajero motor pakhat a tla. Nauhak telin innsang member 3 motor sungah an tang ih an pil. An thi ko ding! Tu fang a phuanlang thei hrih lo. Motor khal laksuah a si hrih lo,” tiah tualsungmi pawl in an sim.