Innsang sungtel mi 3 tomi ticawm ih pil Pajero motor cu tuni simlam nazi 6 hrawngah an lasuak thei zo. Asinan a sungih to sungkua mi pathum ih ruak lawngte hmuh tel a si lo, tiah theih a si.
Ticawm ih pil hlo motor cu an thursuak thei zo nan, a sungah zohman an um lo thu Hpakan khawpi ih tlawmngai pawlkom ih hnatuan mi pakhat cun The 74 Media hnenah a sim.
“Motor cu kan thursuak thei zo. Asinan milai lawngte motor sungah kan hmu lo. Nauhak ih sinmi puan le ca poimawh pawl motor sungah kan hmu. Thil dang zianghman kan hmu bet lo,” tiah a sim.
Mithi ruak pawl cu an hmuh lai hlanlo an hawl tum thu Myanmar Rescue Phakant cun an sim.
Motor ahhin Maw Maung La Yan A Cu Hto (မော်မောင်းလယန်အကျိုးတူ) Company ih manager kum 29 mi Ko Di Di le a nupi kum 23 mi Ma Nann Suu le thla 2 mi an fanu an to.
June 9, zinglamah motor cangsual in ticawm sungah an tla ih motor copcilh in an sungkua in an pil hlo.
Motor hi Pajero a si ih tlawmngai pawlkom cun an motor lawng an thursuak ngah ih an sungkua ruaksa an hmu thei hrih lo.
Leave a Reply