Nu le pa zovek khalin mai’ fate cathiamter an duh ṭheh.
A neinung deuh pawl cun tlawng ṭhaṭha ah fate ret cio a si.
Nu le pa rethei deuh khalin mah le tlintawkten fate tlawng ah an ret ih tuition tiang kaiter cio a si.
Himi hi nu le pa in an fate pawl ziangtluk an duhdawt ih an hmailam hrang ziangtluk an ruahsak timi a langter.
Cuticing in fate in nu le pai’ duhdawtnak theithiam loin ca an zuam paih lo, an zir paih lo tikah nu le pai’ thinlung a na ṭheu.
China ram, Henan Province, Zhengzhou khawpi ih pacang pakhat cun a fapate cu ca a thiam theinak dingah hna harsat ṭuan in a thlanhri baksen tla in sumpai a ngahsunten tuition ah a ret.
Asinan a fapate cu camibuai an tuah tikah mark a hmu se tuk ih a ṭap thei rori.
A ṭahnak video cu social media ah a darh ih a hmutu pawl cun an zangfak cio.
A fapate khal a cathiam lo dan a bese tuk lawmmam. Siarkop (maths) ah mark 100 ah mark 6 lawng a hmu ti a si.
Curuangah pacangpa cu a riahse tuk ih a tap thei rori.
Video ih a relawk dan asile anih hin a fapate tuition a ret theinak dingah sun le zan peh rori in hna a ṭuan. A nupi hnen hmanah a riak man dah lo, ti a si.
Leave a Reply