Thawngtla suak lakah a tel lawk nan, ‘minung palh in kan suah sual,’ tiin an va kaihsal

SAC ralhrang in ramthukhel ruangih thawng an tlakmi mi pakhat cu October 19 ih thawngtla an suahmi ah a tel ve nan, a hnu rei lote ah an kaisal.

An kaihsalmi pa hi Ko Thet Paing Htwe a si ih anih hi section 505 (a) in May 2 laiih an rak kaihmi le thawngtlakmi a si rak. October 19 ah SAC ralhrang ih thawngtla pawl a suah zalenmi lakah Ko Thet Paing Htwe cu a tel ve lawk nan, “Minung palh in kan suah sual,” tiah nazi kar khatte ah an va kaihsal.

Ko Thet Paing Htwe ih innsang pakhat cun, “An unau in an kai ih a nau cu an suah hrih lo. Tu hlan liangluang ah palik in minung kaih sualmi an neih cu ka rak thei dah. Asinan thawnginn ihsin suah sual tivek cu kan dam sungah ka thei dah ngelcel lo,” tiah a sim.

Ko Thet Paing Htwe hi thawnginn ihsin a suak ih inn a thlen hnuah a sungkua pawl thawn thunuam an rel rero laifangah SAC ralhrang motor an kot ah a ra ding ih cutin an kaihsal.

“Kan sungkua titi thunuam kan rel rero lai, minute 45 hrawng kan tokhawmnak a rei ding, tiah an ra kaisal. Thawnginn ihsin suah zalen ding hmin cazin ah a tel lo nan, kan suah sual,” tiah October 19, zan nazi 9 hrawngah Insein palik sakhan ah an hruai.

A innsang pawl cun, “Nan ra thei, in ti ruangah an hruaisuak hnu minute 5 hrawng a rei ding, a dungthlun in kan poksuak. Asinan palik sakhan kan va thlen tikah zohman an rak um lo,” tiah an sim.

May be an image of 1 person and indoor

Tuni October 20 zing ah Zua Mah palik sakhan ah a innsang pawl in thuhla an va zingzoisal cu, ‘minung palh in kan suah sual ruangah Insein thawnginn ah kan khumsal,’ tiah palik sakhan lam cun an rak sim.

Be the first to comment

Leave a Reply

Your email address will not be published.


*