November 1 zing ah Mandalay palik sakhan ihsin အိုးဘို thawnginn pantu thawngtla phur motor pakhat cu lamzin kelah bomb 2 an rak puah ih palik 2 hriamhma an ngah, tiah SAC ralhrang lamin thu an than.
Hi thawngtla phur motor hi ချမ်းမြသာစည် peng, No.11 palik sakhan ihsin အိုးဘို thawnginn pan ih a feh lai, lamzin 78 le 41 a thlen ah bomb rak puah a si. Zo ti theih lo, mi pahnih cun motor lu sungah bomb an denglut ih a puah tikah motor sangka thlalang a kuai.
Motor mawngtu le palik nunau 2 hriamhma an ngah, tiah tualsungmi pawl cun an sim. “Bomb puak ring zet a si. Palik nunau 2 a ngah ih tlawmngai pawlkom in Nandwin sizung ah an phur,” tiah mit ih hmutu mi pakhat cun a sim.
SAC ralhang thusuah ahcun palik nunau pakhat hi sinak sang neitu a si, tiah an sim ih bomb an puah laiah thawngtla phurhmi an nei lo, tiah theih a si fawn.
Leave a Reply