Thawnginn buainak suak ah, PDF 1 thi, palik le thawngtla 63 hriamtuar

Pathein thawnginn ah buainak suak, PDF sungtel hlun Ko Wai Yan Phyo ralhrang in an kap that ih thawngtla hriamtuar tam.

May be an image of indoor

Ayeyarwady ramthen, Pathein thawnginn ah buainak a suak ih ralhrang le palik in Ko Wai Yan Phyo an kap that.

Thilthlen dan cu January 5 zan ah Ko Wai Yan Phyo in phone 1 a kol tiin heknak a lut ih thawnginn hnatuantu pawl in Ko Wai Yan Phyo an hruaisuak. Zanvar thu an sut ih an thlah nawn lo.

January 6 zing ah a thawngtlakpi pawl in Ko Wai Yan Phyo suah dingah an dil ih cumi ihsin buainak a suak.

Thawnginn sungah duhphorhnak a thlen ruangah SAC ralhrang kuttang Pathein khawpi ih palik pawl kawh an si ih thawnginn sungih thawngtla au-kio pawl an kap ciamco.

No photo description available.

Thawngtla 6 an kap ngah ih 4 hi an bese zet. Ko Wai Yan Phyo khal cerek 3 in a ngah ih a hmunah a thi, tiah theih a si.

Hriamtuar ramthukhel thawngtla ကိုစိုးယုကျော်၊ ကိုဝေဇော်လတ်၊ ကိုအောင်ထွန်းမြင့်၊ ကိုကျော်ရဲအောင်၊ ကိုရဲသွေးနီ le hmin theih lo mi pakhat cu hriamhma roh zet an tuar ih Pathein sizung ah an phur.

SAC ralhrang lam cun January 7 ah thu an than ih Pathein thawnginn ih thawngtla 70 hrawng, anmahte an buai ih palik pawl in tthen dingin an luhhnawh. Cuti an sualawk ciamconak ah thawngtla 1 a thi ih mi 63 in hriam an tuar.

Palik le thawnginn hnatuan 11 in hriamhma an ngah phah, tiah an tarlang.

May be an image of indoor

Thawnginn sungih nunliamtu Ko Wai Yan Phyo kum 35 hi Chaung Tha mi a si ih Pathein Western Defense Force-PWDF ih sungtel hlun a si, tiah theih a si.

Anih cu 2022, June thla ah an kai ih nitlak-thlanglam SAC ralhrang hmunpi ih ralhrang hremhmun ah thla 3 sung an dekcokmi a si.

Pathein thawnginn ah khum a si ih kum 28 thawngtla dingin daantatmi a si.

January 5 zan ah phone a kol tiin an kai ih zanvarte an hrem hnuah a rualpi thawngtla pawl in ‘suak dingin’ thuneitu pawl an dilsaknak ihsin buainak suak a si.

Janury 6, zinglam nazi 9 hrawngah palik in thawngtla an kap ih Ko Wai Yan Phyo an kap that, tiah thawnginn thawn naihniam zet, mi pakhat in a rel.

No description available.

Ko Wai Yan Phyo thih thu a innsang lamin an thei zo nan, a ruak an lasuak thei hrih lo, tiah anih cun a sim.

Be the first to comment

Leave a Reply

Your email address will not be published.


*