Myanmar SAC ralhrang vanzam cu Thailand ramsung a zamluh ruangah Thailand acozah in lungkhen a cawh tiah theih a si.
SAC ralhrang vanzam cu June 30 ah Thailand ramsung a zamluh ruangah Thailand acozah in SAC ralhrang hnenah lungkhen a cawh tiah Thailand Defense Deputy Minister Chaichan Changmongkol cun a sim.
July 8 ah Thailand hluttaw palai Sarawut Phetpanomporn cun Karen tlangpar hriamhrei kai pawl kahnak ah SAC ralhrang in vanzam a hman ih Thailand ramsung a zamluhter ruangah thungrulhnak an neih ding le ding lo thusuhnak ah tuvekin a sim, tiah Bangkok post cun a tarlang.
Thailand acozah lam khalin Thai-Myanmar ramri cu kunnguh zetin ralven hna a tuan thu, security khohkhah zet thawn Fighter Jet F-16 pahnih rori in an her vutvo thu Deputy Defense Minister cun a sim hrih.
SAC ralhrang hin KNU le tangrual pawl kahnak ah Jet Fighter a hmang ih a hmang peh vivo thei, tiah theih a si.
Leave a Reply