US, Texas ramkulh nitlaknak lamah Homeland Security Department ih zuamnak in milai zuarmi (human trafficking) tleirawl/nauhak hlo mi 70 an runsuak ngah, tiah theih a si.
April thla cem ihsin thokin zarh thum sung hi cangvaihnak hi an zingzoi ih a netnak ah milai zuarmi kum 10 le kum 17 karlak tleirawl/nauhak 70 pawl an runsuak thei.
Tleirawl/nauhak tam sawn hi Texas ramkulh nitlaknak lam, Dallas-Port Worth kiangkap, Colorado, Ciudad Juarez le Mexico lammi pawl an si, tiah Homeland Security Department cun an sim.
Tleirawl tam sawn hi inn suahsantu an si tlangpi ih anmah ih lungkimnak in hlawh nei in hlawhhlang hna an tuantermi an si, tiah an sim.
US ram pumhuap ih tleirawl/nauhak hlo pawl le thil tha lo tuahnak ih rak hmang tangkaitu pawl tiangin hawlsuak vivo an tum thu Homeland Security zung cun an sim.
Tui’ an runsuahmi tleirawl/nauhak pawl hi hna khunghar an tuanter ih a then cu hlawhhlang hna an tuantermi pawl an si.
Hivek hna tha lo tuan dingih sawm le ngiartu misual pawl cu an keneh zoihnit ih kaih ngah an tum thu theih a si. Tu hrih ahcun milai zuarawknak tuahtu pawl an kai thei hrih lo.
Leitlun ahhin milai zuarmi million 25 hrawng um dingih zum a si. (USA Today).
Leave a Reply