Chin ramkulh, Teddim khawpi, Lawibual veng, senpi sizung ih bukhuar SAC ralhrang rual cu mani March 12, zan nazi 12 lan ah Teddim peng hriamhrei kai a simi PDF-Zoland in an kap, tiah Teddim khawmi pawl in an sim.
“Zan nazi 12 lan hrawngah an kap. Cuti an kah ruangah a kiangkap inn thenkhat ngahmi an nei. Minung lawngte tuahmawhmi a um lo,” tiah an rel.
Atuvekin senpi sizung ih bukhuar SAC ralhrang kah an si ruangah တပ်ကုန်း le palik sakhan ihsin ralthuam tum an rak kap ih lamzin ah bomb puak lo thenkhat hmuh a si, tiah Teddim khawmi pakhat in a rel.
Teddim khawpi senpi sizung ih bukhuar SAC ralhrang an siim thu thawn pehparaw in PDF-Zoland cun, “Nazi 1 leng kan kapaw. SAC ralhrang ih hriamhrei le thilri thenkhat kan laksak ih thi le hlo lawngte a cekci kan nemhnget thei hrih lo,” tiah thu an suah.
SAC ralhrang rual bukhuarnak Teddim peng, senpi sizung hi ihkhun 100 tlem a si ih 2019, leitlun pulhhri a len hnuah Oxygen cetpi an bun, tiah theih a si.
Leave a Reply