Teddim peng sung kahawknak ah SAC ralhrang 7 an thi ih 15 hrawngin hriamhma roh zet an tuar, tiah Civic Defense Militia cun thu an suah.
Chin ramkulh, Teddim khawpi kiangah June 17, zinglam ih doawknak ah SAC ralhrang 7 an thi ih 15 in hriamhma bese zet an tuar.
Hi thusuah hi Kalay ihsin Teddim pan ih poksuak SAC ralhrang motor 17 cu Teddim khawpi thlen hlanah Civic Defense Militia le PDF-Zoland tangrual cun an rak kahmi a si. Kahawknak ah ralhrang 7 an thi ih 15 hrawngin hriamhma bese zet an tuar.
Ralhrang lam cun ralthuam tum an hmang ko nan, Civic Defense Militia le PDF-Zoland lam siatsuahaw um loten dung an sip thei.
Chin ramkulh, Teddim peng ahhin SAC ralhrang le tualsung hriamhrei kai pawl doawknak a sosang zet.
June 12 ahkhan ralhrang in ralthuam duhduh ih an celek ruangah Teddim khawpi sung inn 10 lenglo a kang, tiah theih a si.
Leave a Reply