Myanmar-India ramri Tamu khawpi ah thahawknak rapthlap zet a thleng ih India tangka ting thum le hrek leng lo, bike le phone 2 cu misual in an laksak, tiah tualsungmi pawl hnen ihsin theih a si.
November 24, simlam nazi 5:30 hrawngah sumpai thlengh theutu Ko Raju timi cu Tamu ihsin sumpai tam zet thawn a umnak နန့်ဖာလုံ a pan laiah an that ih a tangka le thilri an laksak, tiah theih a si.
“Tui zing ah a ruak an sar. A sumpai it ih that an si ko,” tiah Tamu khawmi pakhat in a rel. A ruak hi ကျွန်းပင်ကုန်း kiangah sar a si ih a lu ah meithal ih kahnak hriam a um hleiah a kiangah cerek hawng 3 khal an hmu.
Ko Raju hi nupi nei lo, val senior a si ih a nu le pa cawmtu bik a si.
Tamu le နန့်ဖာလုံ hrawng hi Pyusawhtee helhlong pawl samcainak hmun a si ih khualtlawng veivak pawl bike le phone an check-sak theu ih sumpai an laksak theu.
Leave a Reply