India-Myanmar ramri, Sagaing ramthen, Tamu khawpi ih Sawbua veng ah July 9 ahkhan tualsung nunau pakhat SAC ralhrang in an kai, tiah khuami pawl hnen ihsin theih a si.
Ma Win Win Aye timi nu cu PDF pawl thawn pehtlaihawknak an nei tiin SAC ralhrang in an kai ih a hnenah icon slot cet 1, speaker 21, keypad phone 10 an kai cih, tiah SAC ralhrang ih thusuahnak Fifty Two cun a zuk thawn an tarlang.
Suabua veng ih an kaihmi Ma Win Win Aye thu thawn pehparaw in Tamu khuami pakhat cun “Sawbua veng hi Pyu Saw Htee pawl ih lalnak a si.
SAC ralhrang kuttang ah khawlal khal a um. A hlan khalah dothlengnak lamih phur mipi pawl an duhduh an kai rero men,” tiah a sim.
Tamu khawpi hi tualsung hriamhrei kai le ralhrang pawl nasa zetih an doawknak sumtual a si ih PDF lam cun mipi pawl hnenah tul tuk loah cun suakvak lo dingin an cah.
Leave a Reply