Tamu ah nunau nauhak a hlo, leikhur sungah an rak thup

Tamu ah nunau nauhak kum 10 mi a hlo ih hmuan sung khur sungah an sar Sagaing ramthen, Tamu khawpi ah October 22 ih hlo kum 10 mi nunau nauhak cu စော်ဘွား 11/b veng ih innhmun ih leikhur sungah an sarsal thu tualsungmi pawl in an sim.

No photo description available.

Hi nunau nauhak kum 10 mi hi October 22, zinglam nazi 7 hrawngah a hlo ih simlam nazi 3 hrawngah စော်ဘွား 11/b veng, innhmun pakhat ih leikhur ah an hmu. Nauhak nute hi ihhmu sii an pe, tiah tualsungmi pakhat in a rel.

“Zinglam nazi 7 hrawngah a hlo. Mi pakhat rinhmai in thu an suh tikah zianghman a sim duh lo. Cutin an hawl vivo ih nauhak nute cu leikhur laihmi room sungah ihhmu sii ri in hmuh a si,” tiah tualsungmi pakhat cun a sim.

Leikhur ih ral relhnak dingih laihmi a si ih a sungah umnak tlak zet room a um. Ti-puan in a tlun khuh a si.

May be an image of 6 people, people standing, outdoors and tree

Hitivekin nunau nauhak leikhur sungih khumtu cu hmuan kiltu Ko Hla Win kum 40 mi a si, tiah theih a si ih tuvekin leikhur a laih khal hmuan neitu cun a theihpit lo thu theih a sim.

“Leikhur sungih room hi tha zetih tuahmi a si ih a sungah kiangthawng, ihphah ziang le Battery meisa thawn ni hnih khat menih tuah theihmi a si lo.

Cu lak laiah hmuan neitu in ka theihpi lo, a ti cu mangbangza a tling. Hmuan kiltu le hmuan neitu hi thubuai tuahsak veve ding an si,” tiah tualsungmi pakhat cun a sim hrih.

No photo description available.

Atu ahcun nunau nauhak leikhur ih khumtu hmuan kiltu cu Tamu palik in an kai zo ih ziangtivekin thubuai an tuahsak ding, ti lawngte theih a si lo.

Be the first to comment

Leave a Reply

Your email address will not be published.


*